ЭКА «Өзбекстан – Қазақстан» аймақаралық форумына қатысқан
«Қазақстанның экспорттық-кредиттік агенттігі» АҚ (бұдан әрі – ЭКА) Өзбекстанның Ташкент қаласында өткен «Өзбекстан – Қазақстан» аймақаралық бизнес-форумында өз қолдау құралдарын таныстырды.
Оқиға екіжақты байланысты тереңдету, ынтымақтастық перспективаларын талқылау және мемлекеттік құрылымдардың, салалық қауымдастықтардың және екі елдің бизнес-қоғамдастықтарының өкілдері арасында үздік тәжірибе алмасу үшін негізгі алаңға айналды.
Форум Өзбекстан Республикасының Инвестициялар, өнеркәсіп және сауда министрлігі және Қазақстан Республикасының Сауда және интеграция министрлігінің қолдауымен ұйымдастырылды. Оның жұмысына 100-ден астам министрліктер, ведомстволар және ірі компаниялардың өкілдері қатысты. Қатысушылар, соның ішінде жоғары экспорттық әлеуеті бар салалардан тауар өндірушілер (азық-түлік, химия, жеңіл өнеркәсіп, агроөнеркәсіп кешені, металлургия, мұнайхимия), аймақаралық ынтымақтастықты дамыту, өзара сауданы ынталандыру және бірлескен кәсіпорындарды құру мәселелеріне назар аударды.
Пленарлық отырыстар мен сессиялар аясында екі елдің экономикалық және инвестициялық әлеуеті таныстырылды, сондай-ақ өнеркәсіп, агросектор, құрылыс және қызмет көрсету салалары сияқты стратегиялық маңызды бағыттарда ынтымақтастықтың жаңа векторлары талқыланды.
Арнайы көңіл бірлескен кәсіпорындарды дамыту, экспортты ілгерілету және тұрақты өндірістік-сату тізбектерін қалыптастыру мәселелеріне аударылды.
Панельдік сессия барысында ЭКА-ның Өзбекстандағы аймақтық директоры Алишер Хакимов агенттіктің экспортты қолдау құралдарын таныстырды, соның ішінде сауда қаржыландыру механизмі. Бұл құрал шетелдік сатып алушыларға қазақстандық өнімді отандық банктер арқылы аккредитивтік есеп айырысу формасын пайдалана отырып қаржыландыруды ұсынады. Бұл қазақстандық тауарлар мен қызметтерге сыртқы сұранысты ынталандыруға мүмкіндік береді.
Өз сөзінде А. Хакимов 2025 жылы ЭКА қолдаған экспорттық мәмілелер көлемі Өзбекстан нарығында 120 млрд теңгеден асқанын атап өтті.
«Өзбекстан Қазақстанның негізгі серіктестерінің бірі болып табылады: агенттік қолдаған жалпы экспорттық келісімшарттардың шамамен 37%-ы осы елге тиесілі», — деді ол.
2025 жылдың қаңтар–қыркүйек айлары бойынша Қазақстан мен Өзбекстан арасындағы тауар айналымы 3,5 млрд АҚШ долларын құрап, өткен жылдың осы кезеңімен салыстырғанда 16%-ға артқан. Өзбекстаннан Қазақстанға экспорт 1,1 млрд долларды құрап, 7% өсім көрсетті.
Қазіргі уақытта Өзбекстан Республикасының аумағында 1157 қазақстандық кәсіпорын жұмыс істейді, оның ішінде 876 компания 100% қазақстандық қатысуымен және 281 бірлескен кәсіпорын.
