ЭКА «Таза Қазақстан» жалпыұлттық экологиялық акциясын қолдады
«Қазақстанның Экспорттық-кредиттік агенттігі» АҚ (ЭКА) ұжымы Мемлекет басшысының бастамасымен өтіп жатқан «Таза Қазақстан» жалпыұлттық экологиялық акциясы шеңберінде ұйымдастырылған сенбілікке белсене қатысты.
Экологиялық іс-шара ЭКА мен «Бәйтерек» холдингінің басқа да еншілес ұйымдарының 200-ден астам қызметкерінің басын қосты. Акцияға қатысушылар бөлінген қалалық аумақтарды жинап, абаттандыру жұмыстарын жүргізді, саябақ аймақтарын қоқыстан тазартты.
«Экологиялық бастамаларды қолдау – бұл біздің корпоративтік әлеуметтік жауапкершілігіміздің маңызды бөлігі. «Таза Қазақстан» акциясына қатысу қалаларымыздың таза болуына ықпал етіп қана қоймай, сонымен бірге қоршаған ортаға ұқыпты қарауды қалыптастырып, ұжымдық рухты нығайтады», - деп атап өтті ЭКА өкілдері.
ЭКА елдің тұрақты дамуына және азаматтардың өмір сүру сапасын арттыруға одан әрі ықпал ете отырып, әлеуметтік маңызы бар және экологиялық жобаларға үлкен мән береді.
