Қазақстанның тамақ өнеркәсібі өнімдері WorldFood Moscow халықаралық көрмесінде таныстырылды
Отандық тамақ өнеркәсібі өндірушілері WorldFood Moscow 35-ші халықаралық тамақ өнімдері көрмесінде Қазақстанның экспорттық әлеуетін таныстырды. Бұл іс-шара дәстүрлі түрде жаһандық азық-түлік нарығына қатысушылар үшін басты диалог алаңдарының бірі болып табылады.
Биылғы форумының жұмысына әлемнің 30 елінен 873 өндіруші мен жеткізуші қатысты. Көрме форматы тікелей іскерлік келіссөздер жүргізуге жағдай жасап, қазақстандық экспорттаушыларға өз өнімдерін сатып алушыларға таныстыруға және Ресей мен ТМД елдерінің ең ірі сауда желілеріне жеткізілімдерді кеңейту мәселелерін егжей-тегжейлі талқылауға мүмкіндік берді. WorldFood алаңының басты артықшылығы – өткізудің негізгі арналарын, Тізбекті бөлшек сауда мен HoReCa секторын толық қамтуы.
Қазақстандық кәсіпорындардың мұндай форумына қатысуы сауда-экономикалық байланыстарды нығайтуға және қосылған құны жоғары өңделген өнім экспортының көлемін арттыруға бағытталған.
Іскерлік бағдарлама аясында «Қазақстанның Экспорттық-кредиттік агенттігі» АҚ-ның Ресей Федерациясындағы өңірлік директоры Василий Алпатов қазақстандық экспорттаушылардың азық-түлік секторының негізгі ойыншыларымен мақсатты кездесулер сериясын ұйымдастырды. Келіссөздер барысында отандық компаниялардың, соның ішінде «Цин-Каз» ЖШС, «ЯКАР» ЖШС және RAUAN GROUP өкілдеріне Агенттік тарапынан қазақстандық бизнесті сыртқы нарықтарда қорғау және жылжыту үшін көрсетілетін мемлекеттік қолдаудың қолданыстағы құралдары, қаржылық және сақтандыру тетіктері туралы егжей-тегжейлі ақпарат ұсынылды.
Қазақстанның Экспорттық-кредиттік агенттігі отандық тауар өндірушілерді қолдау бойынша жүйелі жұмысты жалғастыруда, қазақстандық өнімнің келешегі бар шетелдік нарықтарға шығуы және оның бәсекеге қабілеттілігін арттыру үшін қолайлы жағдайлар жасайды.
